Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Casa Paterna, LaCasanna, Pass dal lemma sequent

Casaccia
Anteriura vischn. polit., dapi il 1971 fracziun da l'anteriura vischn. polit. da Visavraun, situada lung la via en la part sura da la Bergiaglia al spartavias per ils pass dal Set e dal Malögia (tur da guardia dal temp medieval, numnada Tor/La Toracia, al nord da C.). 1160 Cassache, rum. attestà Chasatscha (Annalas, 91/1978, 106). 1850 96 abit.; 1880 70; 1900 77; 1950 88; 1970 59. Impurtanta staziun da transit fin en il 19. tsch., devastada pliras giadas da l'Orlegna. Dapi il 1535 settima dal cumin da Sopraporta. La baselgia da S. Gaudenzio sur C. (devastada il 1551, lieu da pelegrinadi) è doc. l'onn 840 sco possess da l'abazia da Faveras. Al medem lieu sa chattava in ospizi medieval, menz. il 1336 (ma bler pli vegl), ch'è vegnì translocà il 1520 en il "convento" da C. Ecclesiasticamain appartegneva C. oriundamain a S. Maria da Porta, ed igl existiva prob. gia baud ina chaplania da curatur. Suenter la refurmaziun il 1551, è C. daventà ina plaiv independenta il 1556. La baselgia, construida suenter il 1522, è vegnida destruida il 1740 d'ina bova e remplazzada il 1742 tras la baselgia odierna. Il 1745 è C. daventada ina vischnanca autonoma, la pli pitschna en Bergiaglia. En il Palazzo Gadina (erigì il 1591 da la fam. Prevosti) sa chattava fin il 1964 ina stanza da scola.


Litteratura:
Kdm GR 5, 412-26; T. Schmid, Algords dals deportats grischuns ad Innsbruck e Graz 1799-1801, en: Annalas, 91/1978, 106; R. Stampa, R. Maurizio, Das Bergell - La Bregaglia, 19944.

Adolf Collenberg

lemma precedents Casa Paterna, LaCasanna, Pass dal lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: