e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Carl, Kaspar de (von Hohenbalken) Carniec, de  Carniec Ruina da chastè sin territori da la vischn. da Glion, situada sin in sparun a l'ost da Strada sur il stradun vegl. Restanzas considerablas d'ina massiva tur d'abitar pentagonala da sis plauns, construida enturn il 1200. Ni il chastè ni la fam. n'èn doc. en il temp medieval, il chastè è attestà en in rodel da tschains dal 1515 (Gryenegg). Il 1260 è doc. in dominus de Grinenech che cumpara pli tard savens cun il num Heinrich von Grüneck (numnà il Mit/Mutus); el è descendì prob. da la fam. feudala residenta da quel temp en il chastè da C. e segirava en servetsch da Walther de Vaz la regiun dal Pass dal Spleia fin Clavenna. Ils Schmid von Grüneck [de C.] portan il titel da noblezza pir dapi il 1544. Da quel temp era il chastè prob. gia en decadenza. Il 1811 ed il 1904 han ins chattà al pe dal chastè munaidas da Carl il Grond e dal retg langobard Desiderius, zuppadas qua en ils onns 790-94 (invasiun d'Avars). Il 1999 ha l'Associaziun grischuna dals chastels taglià las chaglias e mundà il pastg. Litteratura: Clavadetscher/Meyer, Burgenbuch, 83 s. Adolf Collenberg  Carl, Kaspar de (von Hohenbalken) Carniec, de  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: