Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Moritzi, AlexanderMoviment da dunnas lemma sequent

Moser, Hans
* 13-2-1922 a Turitg, ref., da Neuhausen am Rheinfall/SH, vischin dals Stadis Unids da l'America. Figl da Johann Arthur, mecanist d'aviuns, e da Laura n. Müller. ∞ Sonja n. Clausen, tecnicista dentala, da Copenhagen. Emigrà da Neuhausen a New York il 1927. High-School a New Jersey, scola d'art a New York. Infantarist da las truppas da munt. en Alaska a partir dal 1942, blessà grevamain en ina battaglia en l'Italia il 1945. Suenter la guerra, ha el studegià a la Pearsons School of Design a New York (fin il 1949) ed è sa perfecziunà en dissegn a Paris e Losanna. Dal 1952-62 ha el vivì a Copenhagen, alura a Fidaz e dapi il 1966 a Lags. Sco cartoonist ha el creà tr.a. las figuras dal "Herr Schüüch" per il «Nebelspalter» e dal "Gloschi" per l'«Arena Alva». Div. concepziuns da cudeschs (tr.a. «Gemeinde Flims», 2006). Columnist da la «Herald Tribune» (New York). Engaschament spezial per la natira e l'ambient. Exposiziun retrospectiva a Lags il sett. 2009. Premi Binding per la protecziun da la natira e da l'ambient 1990; medaglias d'aur per cartoons a Tolentino, Turin e Bordighera.


Archiv:
Cerchel cultural Lags, relasch.

Litteratura:
J. Federspiel, Herr Schüüch persönlich, en: Tages-Anzeiger-Magazin, 16-6-1984, nr 24; J. Binkert, Meet - Hans M., en: Swiss Scene, oct. 1988, nr 10; LQ, 17-11-2004.

Adolf Collenberg

lemma precedents Moritzi, AlexanderMoviment da dunnas lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :