Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Möhr, HansMohr, Maximilian lemma sequent

Mohr, Joseph
* 1577 a Damal (Vnuost),† 6-8-1635 a Cuira, cat., da Zernez. Figl dad Abraham, primsergent imperial, e dad Agatha n. Castelmur. Cusrin da Maximilian. Studis a Dillingen (Baviera) ed al Collegium Helveticum a Milaun, dr.teol. 1605 plevon a Feldkirch, 1609 custodi e 1623 scholast dal chapitel catedral da Cuira. El è vegnì nominà uvestg da Cuira ils 25-8-1627 e consecrà ils 24-10-1627. M., al qual mancava l'experientscha en dumondas da finanzas, ha gì savens conflicts cun il chapitel catedral pervia dals gronds debits da la diocesa. Sut la protecziun da las truppas austr. han ils missiunaris chaputschins preschents en il territori rumantsch pudì schlargiar e consolidar lur activitads cuntrarefurmatoricas; suenter la retratga da l'Austria il 1631 han els però stuì bandunar inqualas missiuns.


Litteratura:
HS I/1, 498; Gatz, Bischöfe 1448, 487; A. Fischer, Reformatio und Restitutio: das Bistum Chur im Zeitalter der tridentinischen Glaubenserneuerung, 2000, 291-318.

Pierre Surchat

lemma precedents Möhr, HansMohr, Maximilian lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: