Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents MinierasMirer, Johann Peter lemma sequent

Ministri, Johannes
Menziunà per l'emprima giada il 1351/53, † 30-6-1388 a Cuira. Oriund da Berna, è el attestà sco benefiziat dad Oberkirch/LU (1359) e d'Ehingen (Württemberg, 1360-76). Canoni da Beromünster/LU 1360-76. Notar e vicechancelier austr. 1365. Uvestg da Cuira 1376-88. Durant il Grond Schisma dal 1378 ha el prendì partida per il papa rom. Urban VI. Savens absent da Cuira, ha el nominà il 1385 il cont Rudolf von Montfort-Feldkirch sco administratur secular. El ha fatg schlargiar la via al Pass dal Set ed ha era impundì agens meds per sanar las finanzas da l'uvestgieu depauperisà sut ses predecessur. Las funtaunas documenteschan sias numerusas liberaziuns da pegns, o.t. da chastels. Il «Liber de feodis» dat perditga da sias activitads administrativas intensivas.


Litteratura:
HS I/1, 485 s.; H. Büchler-Mattmann, Das Stift Beromünster im Spätmittelalter, 1313-1500, 1976, 344 s.; Gatz, Bischöfe 1198, 141.

Veronika Feller-Vest

lemma precedents MinierasMirer, Johann Peter lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: