Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Caldar, GianCalonder, Felix lemma sequent

Calfraisa
Vischnanca polit., cirq. Scanvetg, distr. Plessur. Vitg serrà sin la spunda nord dal Scanvetg. 1156 Caureisene, tud. Calfreisen (uffiz.). 1808 57 abit.; 1850 98; 1900 58; 1950 60; 1980 34; 2000 45. Chat d'ina fossa dal temp rom. tardiv en la chavorgia da C. La gronda part dal Scanvetg Central è vegnida colonisada ed urbarisada fin la fin dal 12. tschientaner. Il feud episcopal è passà dals signurs de Vaz als de Werdenberg (1338), alura in'emprima giada als de Toggenburg (1363). Ils signurs da C., che residiavan sin il chastè cun il medem num (menz. il 1231), paran d'avair exequì ils dretgs signurils. Il 1386 residiavan là ils von (era: ab) Unterwegen, suenter il 1428 ils Sprechers ch'han prob. dà al chastè il num Bernegg. Sco vischinadi dal cumin da S. Peder è C. s'unì cun la LDD il 1436. La suveranitad, acquistada dals signurs von Montfort il 1437, è passada als von Matsch (1471), alura a l'Austria (1479). Il 1652 è sa liberada la vischnanca da C. dals dretgs feudals austr., il 1657 era da quels episcopals. Anc il 1570 era C. ina vischnanca rum., dapi alura è ella vegnida germanisada successivamain. Ecclesiasticamain appartegna C. a Castiel. La via charrabla dal Scanvetg sut il vitg da C. è vegnida realisada il 1875-77, l'access da C. a quella il 1924-25. Las funtaunas d'entrada las pli impurtantas a C. èn l'allevament da muvel e l'agricultura (2000 36% da las plazzas da lavur). Meglieraziun generala dal 1982-93. La vischnanca n'ha ni baselgia ni scola ni butia ni ustaria.


Litteratura:
Kdm GR 2, 182; F. Pieth, Aus der Geschichte des Tales Schanfigg, en: JHGG, 1951, 97-125.

Jürg Simonett

lemma precedents Caldar, GianCalonder, Felix lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: