Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Maturus, BartholomäusMaurizio, Anna Cornelia lemma sequent

Maurizio, Adamo
*26-9-1862 a Cracovia, † 4-3-1941 a Liebefeld (vischn. da Köniz/BE), ref., da Visavraun. Figl da Paride, pastizier e cafetier, e da Maria n. Spargnapani, da Visavraun. ∞ 1892 Elena n. Landau, dentista, figlia da Bernhard, da la Pologna. Gimnasi a Cuira, alura studi da botanica a l'Univ. da Berna (1891-94), dr.sc.nat. 1894 («Zur Entwickelungsgeschichte und Systematik der Saprolegnieen»). Assistent a la Scola da pumicultura, viticultura ed orticultura a Wädenswil/ZH a partir dal 1895 e spezialisaziun en la perscrutaziun alimentara. Docent privat al Politecnicum a Turitg 1903-07, prof. eo. 1907 e prof. ord. 1911-26 da botanica a la Scola auta da tecnica da Lemberg (Pologna, oz Lviv, Ucraina) e professura a Varsovia a partir dal 1927 (a la quala el ha stuì renunziar suenter pauc temp per motivs da sanadad). Sia ovra principala «Die Geschichte unserer Planzennahrung von den Urzeiten bis zur Gegenwart» (1927, 1979²) vala sco l'emprima sintesa scientificamain fundada d'ina istorgia mundiala dal nutriment.


Ovras:
Die Nahrungsmittel aus Getreide, 2 ts, 1917-19; Geschichte der gegorenen Getränke, 1933.

Litteratura:
A.M. Zendralli, Il prof. dott. Adamo M., en: QGI, 3/1933/34, 162-67; 10/1940/41, 234 ; Actas da la Societad svizra per la perscrutaziun da la natira 121, 1941, 389-94 (cun reg. d'ovras); Kaiser, Zuckerbäcker, 122.

Adolf Collenberg

lemma precedents Maturus, BartholomäusMaurizio, Anna Cornelia lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: