e-LIR / Lexicon Assistenza e-LIR Contact Publicaziuns Links Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Masüger, Johann Baptist Mathis, Giovannes  Mathis, Christian * 14-2-1861 a Gianatsch, † 29-12-1925 a S. Murezzan, ref., da Gianatsch. Figl da Christian Georg, fravi e maister serrer, e da Maria n. Marguth. ∞ Babette n. Schlegel. Furmaziun da fravi cun in'atgna fuschina, nua ch'el reparava era scarsolas. Dasperas è el stà viturin dal 1881-1924. Inspirà dal maior american William Bulpett, ha M. construì il 1889 cun atschal britannic l'emprim bob da cursa, furmà da duas scarsolas da skeleton colliadas ina cun l'autra; sin quel avevan plaz a l'entschatta tschintg persunas. Il medem onn ha gì lieu ina cursa da bob sin la via tr. S. Murezzan a Schlarigna. Al prototip èn suandads auters models, ed il 1902 è vegnida realisada l'emprima pista da bob a S. Murezzan. Litteratura: R. Gibbs, The Cresta Run, 1985. Andrea Weibel  Masüger, Johann Baptist Mathis, Giovannes  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :