Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Kunz, LukasKünzle, Johannes lemma sequent

Kunz, Martin
* 29-12-1847 a Fläsch, † 18-5-1923 a Turitg. Figl da Leonhard, pur, e d'Elisabeth n. Senti, da Fläsch. Seminari scolastic a Cuira, alura magister en l'Engiadina, daspera studis da scienzas natiralas e geografia a Turitg, Losanna e Basilea. Directur da la Scola svizra a Genova 1871 e da l'Institut per tschorvs Illnach a Mulhouse 1881-1918. Piunier cun renum mundial sin ils champs da la pictura en reliev, applitgada en la scienza natirala, e da meds e metodas didacticas per scolar ils tschorvs. Ses «Plastischer Repetitions-Atlas über alle Teile der Welt» (1895), reproducibel cun la tecnica da stampa en reliev, è vegnì premià dal Congress geografic mundial a Berna. Div. distincziuns internaz., tr.a. il Roter Adlerorden des Deutschen Reiches (1897) ed il titel da prof. da l'archiducadi da Baden.


Ovras:
Das Ferngefühl der Blinden und Tauben, 1908.

Litteratura:
Biographisches Lexikon verstorbener Schweizer 3, 1950, 112.

Adolf Collenberg

lemma precedents Kunz, LukasKünzle, Johannes lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: