Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Kirchner, Ernst LudwigKlainguti [-Zender], Irma lemma sequent

Klain, Steffan
† suenter il 1491, da Freistadt (Austria Superiura). K. ha dirigì sco Werkmeister (architect) da la citad la reconstrucziun da la baselgia da S. Martin a Cuira, destruida da l'incendi dal 1464. El ha projectà ina baselgia-sala cun in chor poligonal pli stretg e figuras a lamellas geometricas en ils arvieuts che posan sin sparuns, colonnettas e consolas. Quest tip è vegnì applitgà en il Grischun en in veritabel boom da construcziun, ch'ha durà fin a l'entschatta da la Refurmaziun, en tut sias variaziuns pussaivlas. En collavuraziun cun Andreas Bühler, il maister da Cunter, e cun Bernardo da Poschiavo ha K. dirigì ultra da quai la construcziun e restructuraziun da baselgias da vischn. grischunas, tr.a. a Luzein, Pralung, Scharons e Samedan.


Litteratura:
Kdm GR 1 e 7; M.A. Nay, C. Kübler, Spätgotische Sakralbauten in Graubünden zwischen Bild und Struktur, en: Spätgotische Flügelaltäre in Graubünden und im Fürstentum Liechtenstein, edì dad A. von Beckerath e.a., 1998.

Marc Antoni Nay

lemma precedents Kirchner, Ernst LudwigKlainguti [-Zender], Irma lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: