Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Tenchio, EttoreTenna lemma sequent

Tenigia, Bogn
Bogn da cura a l'entrada en la Val Sumvitg, in dals pli vegls bogns dal Grischun, menz. il 1580 Bad in Wall, ma bler pli vegl. Attestà sco feud da la vischnanca da Sumvitg a Casper Willi. Il num Tenigia cumpara pir il 1860. Funtauna fraida da gip cun sal amar. Il 1670-78 en possess dal landrehter Clau Maissen ch'ha laschà construir il 1674 la chaplutta da Nossadunna da la Naiv e transfurmar la stiva da bogns en ina chasa per far bogns. Il 1882 ha Alexander Cagienard laschà renovar il bogn per 30 giasts. Ulteriurs edifizis èn vegnids construids 1892-96, in'atgna ovra electrica 1905. Il 1911 ha la Hotel Waldhaus SA cumprà il Bogn T. ch'è vegnì en difficultads finanzialas a partir dal 1914. Durant l'Emprima Guerra mundiala ha il bogn alloschà transitoricamain schuldada da la Germania internada. Il 1958 è il cumplex vegnì serrà suenter pliras renovaziuns. Il 1970 ha il Tudestg Ernst Ludwig Schulz acquistà il bogn e renovà quel en stil luxurius; il 1974 han ins alura avert il bogn nov, ma senza success (scussiun averta il 1977). Il 1990 ha la Bogn Tenigia SA inizià ina nova epoca dal bogn da cura, ma danovamain senza success: il Bogn T. ha puspè stuì vegnir serrà il 2002.


Archiv:
BCGR (collecz. A. Pajarola).

Litteratura:
K.J. Kuhn, Der Kurort Tenigerbad im Somvixertal, en: BM, 2008, 3-39.

Adolf Collenberg

lemma precedents Tenchio, EttoreTenna lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: