e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Quinter, Anselm Rabius  Quotidiana, La (LQ) Fundada da la Gasser Media SA (oz Südostschweiz Medien). La LQ cumpara dapi ils 6-1-1997 e cumpiglia la «Gasetta Romontscha», la «La Casa Paterna/La Pùnt» ed il «Fögl Ladin»; il Surmeir, ch'ha mantegnì ses fegl regiunal («La Pagina da Surmeir»), vegn provedì en LQ cun infurmaziuns sut il titel «La Vousch da Surmeir». La finamira è dad edir ina gasetta dal di rum. per l'entira Rumantschia, avischinar ils idioms rum. e promover il rg sco lingua da scrittira cuminaivla. La LQ è confessiunalmain e politicamain neutrala. L'idea primara da crear ina gasetta dal di rum. en substituziun da las quotidianas da lingua tud. è sa demussada sco illusorica. Perquai han ins midà suenter in onn e mez il concept d'ina gasetta integrala en favur d'ina gasetta cun in mantel chant. e cun fermas parts regiunalas. Tematicas surregiunalas vegnan da princip redigidas en rg, las paginas regiunalas en ils idioms respectivs. Il dumber d'abunents è crudà da passa 5000 il 2003 a 4487 il 2011; la cumpart d'abunents ladins e surmirans è fitg modesta. La redacziun da la LQ sa chattava enfin la fin dal 2008 a Glion, alura ha ella dischlocà a Cuira. Collavuraziun intensiva cun l'Agentura da Novitads Rumantscha (ANR) e fusiun redacziunala cun quella il 2009. La LQ vegn edida vinavant da la Südostschweiz Medien. Litteratura: SO, 27-1-2003; B. Etter, Promova LQ l’identitad interrumantscha?, 2005 (cun DC). Adolf Collenberg  Quinter, Anselm Rabius  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: