Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents LigiaunLindau, Contract da lemma sequent

Lindau
Anteriura citad imperiala situada a la riva nord dal Lai da Constanza, oz en Germania. Lieu da commerzi impurtant per las Trais Lias e per il traffic da transit tr. la regiun al Lai da Constanza e la Lumbardia. L. ha gě sia fluriziun en il temp medieval tardiv. La citad giudeva da quel temp in'exemziun da dazi per martganzia da transit e privilegis per il transport da quella. Transports frequents han existě prob. gia en il 14. tsch., curs da currier regulars čn attestads dapi il 1455. Dapi l'avertura da la via nova tras la Viamala (1473) čn quellas frequenzas creschidas. Da l'emprima mesadad dal 16. tsch. fin il 1826 organisava l'uschen. Currier da L. mintg'emna in transport da rauba e da persunas sur il Spleia a Milaun e da Milaun a L. In viadi durava tschintg dis e mez: L.-Feldkirch (emprim di) - Spleia (midada da chavals) - Clavenna-Com (20 uras cun la bartga) - Milaun. Il currier (adina in cat.) vegniva proponě da L. ed elegě da la chombra da commerzi da Milaun. El era muně cun brevs da protecziun spez. da las Trais Lias. Il 1803 č il regal da posta passŕ als chantuns svizzers. Ils spediturs da L. han dentant pudě mantegnair lur mandat, pajond al chantun Grischun dapi il 1813 ina fittanza annuala per il regal da posta tr. il Pass da S. Gliezi ed il cunfin sid dal Chantun. Cun la fin sett. 1826 ha la nova posta da viadi dal Grischun surpigliŕ ils servetschs dal Currier da L. 


Litteratura:
Pieth, Bündnergeschichte; W. Dobras, Der Mailänder oder Lindauer Bote [...], en: BM, 1989, 339-56; A. Nemitz, L. Piatta, Der Lindauer Bote, 2002.

Adolf Collenberg

lemma precedents LigiaunLindau, Contract da lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :