Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents JufJuon, Eduard lemma sequent

Juon, Andreas
* 22-1-1895 a Cuira, † 24-12-1991 a Tusaun, da Stussavgia. Figl da Johann Karl, stradin e pur da muntogna, e da Maria Rosina n. Ruckstuhl. ∞ 1928 Hertha n. Portzehl, da Königsberg (Prussia, oz Kaliningrad, Russia). Emprendissadi da pictur da decoraziun a Cuira, alura domicilià a Hamburg. Return a Stussavgia 1914. J. ha lavurà durant dus envierns en l'atelier da la pictura artista turitgaisa Dora Hauth ed ha frequentà curs a la Scola d'art applitgà a Turitg. Suenter il 1924 è el sa domicilià en Engiadina ed en Bergiaglia. Il 1930 ha el acquistà in bain puril a Camana Dadens (vischn. da Stussavgia), nua ch'el ha fatg fin il 1958 il pur e pictur e vivì alura so pictur artist independent. Sia ovra artistica cumpiglia maletgs da cuntradas e figuras simbolisticas, dapi ils onns 1960 picturas cun spiralas e trianguls sco era descripziuns fantasticas. Autur d'ina pictura da paraid a Stussavgia, illustratur da cudeschs. 


Litteratura:
KLS 1, 505; LZSK, 191; Andreas J., Safien, catalog d’expos. Cuira, 1985; Künstlerverzeichnis der Schweiz 1980-1990, 1991, 243; P. Zinsli, Freundesworte an Kunstmaler Andreas J., en: BJb, 1993, 13-22; BLSK, 554.

Leza Dosch

lemma precedents JufJuon, Eduard lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :