Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Jörger, Johann JosephJörimann, Paul lemma sequent

Jörger, Maria Paulina [Paula]
* 24-4-1898 a Cuira, † 3-1-1980 a Cuira, cat., da Val. Figlia da Johann Joseph, sora da Johann Benedikt. Nubila. Seminari scolastic a Cuira, scolasta secundara (fil. II) a Friburg (senza pratica d'instrucziun). J. ha preparà la gruppa da costums per la festa centenara a Trun dal 1924 ed ha alura manà la gruppa da costums da Cuira. Da ses curs da taisser è naschì l'Artisanat indigen grischun, dal qual ella è stada suprastanta fin il 1974. Confundatura da la Centrala grischuna da dunnas 1939 (pres. 1939-64), activa en il Servetsch auxiliar feminin (militar) ch'ella ha manà fin il 1953 sco scheffa da servetsch en il stab da la zona territoriala. 3. Suenter il 1945 è J. s'engaschada fermamain per l'emancipaziun da las dunnas en la vita professiunala ed en la politica (referats e lavur publicistica). Il 1962 ha ella organisà e manà la radunanza da delegadas da las Dunnas svizras. Inizianta dal museum local da Val. Confundatura (1960) ed actuara da l'Uniun da Gualsers.


Ovras:
Schwabengänger, 1938; Zervreila, 1952; Urchigi Lüt, 1960 (1966², cunautura).

Litteratura:
BJb, 1981, 157 s.

Adolf Collenberg

lemma precedents Jörger, Johann JosephJörimann, Paul lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :