Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents FtanFuentes, Pedro de [Pedro Enríquez de Acevedo] lemma sequent

Fuentes
Anteriura fortezza a l'entrada da la Vuclina, situada sin la collina da Monteggiolo a la sbuccada da l'Adda en il Lai da Com (en vischinanza da Colico). Erigida il 1603-04 da Pedro F., statalter spagn. a Milaun, en reacziun a l'allianza conclusa il 1603 tr. las Trais Lias e Vaniescha. F. era in punct strategic impurtant che permetteva da controllar e bloccar il traffic a Clavenna ed en Vuclina, v.d. ina colliaziun impurtanta tr. il Grischun e Vaniescha. Ils Spagnols numnavan F. il "giuv dals Grischuns" che designavan quest lieu da lur vart sco "fossa dals Spagnols" causa la malaria en las palids dal batschigl da l'Adda ch'aveva decimà massivamain la garnischun spagnola. La fortezza da F. è stada d'impurtanza durant ils Scumbigls grischuns. II 1797 è ella vegnida demolida dals Franzos. Ins vesa anc oz grondas parts da la fortezza en ruina, o.t. da l'anteriura baselgia e da la caserna.


Litteratura:
Pieth, Bündnergeschichte, 193 s.; IG, 119.

Martin Bundi

lemma precedents FtanFuentes, Pedro de [Pedro Enríquez de Acevedo] lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: