Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Dretg, Istorgia dalDretgira chantunala lemma sequent

Dretgira auta
En l'organisaziun da las Trais Lias eran las dretgiras autas districts administrativs senza organs publics e senza cumpetenza e vusch a la Dieta federala. Ellas servivan a las Lias sulettamain da basa per la distribuziun d'entradas e grevezzas sco era per la repartiziun d'uffizis en las Terras subditas e da contingents militars. La LG cumpigliava otg, la LCD indesch e la LDD set dretgiras autas. Las dretgiras autas da Cuira, da Poschiavo, da la Val Müstair, da Tavau, dals Quatter Vitgs e da Mustér (Cadi) eran territorialmain - e qua tras era funcziunalmain - identicas cun il cumin, las autras consistivan da dus fin trais cumins. Las dretgiras autas, abolidas da la Helvetica e puspè restabilidas il 1803, èn vegnidas remplazzadas il 1851 tras ils districts (Dretgira districtuala) cun funcziun giudiziala resp. tras ils cirquits/cumins actuals.


Litteratura:
Pieth, Bündnergeschichte, 110, 114-16; Sprecher/Jenny, Kulturgeschichte, 477 s., 694 s.; Head, Demokratie; IG, 114 s. (graficas).

Martin Bundi

lemma precedents Dretg, Istorgia dalDretgira chantunala lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: