Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Dretgira cirquitalaDretgira d'appellaziun lemma sequent

Dretgira d'administraziun chantunala
Instituida il 1-1-1969 tras votaziun dal pievel dals 9-4-1967. La dretgira d'administraziun chant. ha remplazzà la Regenza (era Cussegl pitschen) ed il Cussegl grond sco instanzas da recurs. Ella sa cumpona dal pres., dus vicepres. en uffizi cumplain ed otg derschaders en uffizi cumplain (fin 2006 en uffizi parzial). L'elecziun succeda tras il Cussegl grond per la durada da quatter onns, ina reelecziun è pussaivla. La dretgira d'administraziun chant. giuditgescha en proceduras da recurs decisiuns da la Regenza, dals departaments e d'autras instanzas chant. e com. sco era decisiuns da las vischnancas, corporaziuns ed instituziuns autonomas dal dretg public chantunal. Ella è responsabla per dumondas dal dretg public e dal dretg constituziunal, per recurs en connex cun las assicuranzas socialas e per fatgs da la Baselgia naziunala. La Regenza posseda mo anc la giurisdicziun da recurs entaifer il dretg public.


Litteratura:
Schwarz, Gerichtsorganisation, 34 s.; Messadi da la Regenza dals 10-3-1966 al Cussegl grond; Metz, Graubünden 3, 447 s.

Adolf Collenberg

lemma precedents Dretgira cirquitalaDretgira d'appellaziun lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :