Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Domenig, ThomasDominis territorials ecclesiastics lemma sequent

Dominicanas
Differentas cuminanzas da muniessas che vivan tenor la regla dal s. Dominic. L'Urden dals dominicans, numnà era Urden dals predicaturs (Ordo fratrum Praedicatorum, OP), è vegnì fundà en il 13. tsch. tempriv dal s. Dominic. Gia avant la constituziun da quel urden aveva Dominic dentant fundà il 1206/07 ina claustra da mungias a Prouille en la Frantscha dal Sid. Questas mungias avevan l'incumbensa da dar a las mattas giuvnas da la regiun ina educaziun religiusa. Per motivs finanzials han ellas dentant prest stuì renunziar a l'instrucziun ed èn daventadas ina cuminanza contemplativa. Ina da las dominicanas las pli renumadas è la s. Catharina da Siena.
Ils Artitgels da Glion dal 1526 avevan decretà in scumond da recepir novizas, provocond qua tras la dissoluziun dal convent da canonissas a Cazas (1570). Il 1647 è quel vegnì fundà da nov ed occupà da sis soras dominicanas da la claustra da Bludenz sin incitaziun da l'uv. Johann VI che vuleva crear (l'emprim senza success) a Cazas in center da furmaziun per mattas. Pir il 1855 ha la claustra dentant avert per in tschert temp in pensiunat da mattas. Fin il 1929 ha il convent fatg part dal segund Urden da dominicanas, alura, suenter ina refurma constituziunala, al terz (terziars). La cuminanza religiusa ha pudì schlargiar qua tras ses radius d'acziun sur ils cunfins da la claustra ora. La scola da S. Catharina, ch'aveva gì ina curta fluriziun en ils onns 1860, è vegnida revivifitgada. Per dar a las mattas ina furmaziun professiunala, ha la claustra da Cazas integrà il 1955 ina scola da tegnairchasa e promovì l'activitad d'instrucziun da las mungias en differentas vischnancas dal Grischun. Dapi il 2002 s'engaschan las muniessas da Cazas per la survivenza da la claustra da Bludenz.


Litteratura:
HS IV/5, 631-56.

Adolf Collenberg

lemma precedents Domenig, ThomasDominis territorials ecclesiastics lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :