Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Gilli, Christian JohannGilli, Hermann lemma sequent

Gilli, Giovanni
* 7-11-1847 (Johann Jakob) a Modena, † 25-11-1913 a Cuira, ref., da Zuoz. Figl da Ludwig, commerziant emigrà, e dad Ursina n. Albertini, da La Punt-Chamues-ch. ∞ Bertha n. Schmid. Creschì si tar il tat e la tatta a Zuoz dapi il 1854. Gimnasi a Turitg, alura SPF Turitg 1865-68, inschigner diplomà. Domicilià a Cuira dapi il 1876. Inschigner, participà a la construcziun da las vias sur il Lucmagn, en la Lumnezia e da Panaduz a Glion 1876-82. Inschigner cirq. a Tavau 1883-88, inschigner da la citad da Cuira 1888-90. Iniziant e planisader da la Viafier da l'Alvra, concessiunada ad el e construida da Friedrich Hennings. Adjunct 1891 e schefinschigner chant. 1893-98. Pli tard adjunct e dal 1903 fin a sia mort schefinschigner tar la VR. G. ha contribuì, grazia a sia influenza, a la realisaziun da la Viafier da l'Alvra ch'è vegnida preferida, suenter lungas tractativas, ad ina viafier sur il Pass dal Scaletta en l'Engiadina. Autur da pliras ovras spezialisadas, tr.a. «Das Strassennetz des Kantons Graubünden» (1898).


Litteratura:
BM, 1914, 116-19.

Adolf Collenberg

lemma precedents Gilli, Christian JohannGilli, Hermann lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: